Udal gobernuaren gardentasuna neurtuko dute
Telefono bidez 300 irundarri pasako diote inkesta, Europako Kontseiluaren zigilua lortzeko. Udalaren orrialdean ere erantzun daiteke.
Irungo Udalak Europako Kontseiluaren gobernantzaren bikaintasunaren zigilua lortu nahi du– hirugarrenez– eta, horretarako, telefono bidez 300 pertsonei inkesta egingo diete. Atzo hasi ziren galdeketarekin, eta deia jaso ez baina parte hartu nahi duenak zabalik du udalaren orrialdean erantzuteko aukera.
Zigilua lortzeko gobernantza neurtzen dute hamabi printzipioetan oinarrituta: “gardentasuna, partaidetza, jokabide etikoa, efikazia eta efizientzia, kudeaketa finantzario sanoa, berrikuntza, berdintasuna, giza eskubideak eta aniztasuna.
Zigilua
EUDEL Euskaldiko Udalen Elkarteak, Euskadi gardentasunaren eta gobernantza onaren esparruko politikak ezartzeko Europako lehenengo postuetan posizionatzeko lan ildoak jarraitzen ditu. Horrela, tokiko gobernantzaren bikaintasunaren Europako zigilua ezartzeko eskualde mailako plataforma izendatzea eskatu zion Europako Kontseiluari.
Zigilua Europako Kontseiluaren tokiko berrikuntza eta gobernantza ona sustatzeko estrategiaren oinarrietako bat dela azaldu du udalak, eta tokiko eragileak eta gainontzeko erakundeak europar guztiek tokiko gobernantza demokratikoa izateko lan egiteko mobilizatu eta bultzatzea dute helburu.
