Erraldoien entseguak egiten ari dira Katean
Kateako San Isidro jaiak asteburu honetan izango dira, baita maiatzaren 19an ere. Dagoeneko jaietako erraldoien desfilea prestatzen hasi dira.
Asteburu honetan (hilak 28) hasiko dira Kateako jaiak, eta urtero lez, bi asteburutan egingo dira. Hala, maiatzaren 19rako ere egitaraua prestatu dute. Dena den, ez dute xehetasunen aurrerapenik eman, soilik kartel iragarlea argitaratu dute.
Bien bitartean, danborradaren eta erraldoien entseguak egiten ari dira auzo elkartean (Bizkaia kalea, 15). Hilaren 17an elkartu ziren, eta hurrenak hilaren 24an eta maiatzaren 2 eta 8an egingo dira. Hitzorduak 19:00etan hasiko dituzte.
