Europako Parlamenturako hauteskundeen prestaketak, martxan
Hautesle errolda kontsulta daiteke dagoeneko, baita erreklamazioak jarri ere. Ekainaren 9an izango dira Europako Parlamenturako hauteskundeak.
Eusko Legebiltzarrerako hauteskundeak eginda, Europako Parlamenturako hauteskundeak egingo dira hurrenak ekainaren 9an. Bide horretan, gaur jarri dituzte ikusgai hautesle erroldak eta irundarrek udalaren webgunean ahal dute kontsultak egin eta erreklamazioak jarri.
Orrialdean ez ezik, autozerbitzuko terminaletara jo daiteke, edota telefonoz deitu 010 eta 943 505152 zenbakietako batera. Hots egiteko zerbitzuaren ordutegia honako hau da: astelehenetik ostiralera, 08:00etatik 20:00etara, eta larunbatean, 08:30etik 13:30era.
Eskatzaileek soilik norberaren informazioa eskatu ahalko du, eta besteren batena eskatu nahi izatekotan, aurretik NAN, pasaportea edo gida baimenarekin identifikatu beharko dira.
Halaber, jakinarazi dute Espainiako estatuan bizi diren hautesleek posta bidezko botoa eskatzeko epea irekita dutela maiatzaren 30 arte, Correoseko edozein bulegotan edota Internet bidez.
