Cazaubonetik urrezko bi dominekin itzuli da Hondarribia Arraun Elkartea

Frantziako estropadak ikasteko erabiltzen dituztenez presiorik gabe aritu ziren arraunlari gazteak, larunbat zein igandean. Guztira 15 domina eskuratu dituzte.

Asteburu honetan Cazaubonen [Frantzia] izan dira Hondarribia Arraun Elkarteko gazteak. Aulki mugikorrean lehiatu dira kategoria bakoitzari dagozkion 1000m (infantilak), 1500m (kadeteak), 2000m (jubenilak) eta 500 metroko sprint (senior) distantzietan. Arraunerako eguraldi ederra izan zuten larunbat zein igandean. 

Orokorrean pozik itzuli ziren etxera; izan ere, denboraldi osoan ikusten ez dituzten kluben aurka aritzeak eta estropada ugari egiteak “asko ikasten laguntzen” diela azaldu du Iosu Sagarzazu entrenatzaileak. Horregatik, ligako edo txapelketetako estropadetan ez bezala, presiorik gabe aritu ziren gazteak eta emaitza bikainak eskuratu zituzten. Guztira 15 domina bereganatu zituzten: urrezko bi, zilarrezko bost eta brontzezko zazpi.

Hauexek dira emaitzak:

Larunbata

  • Garaile: 2- CM
  • Bigarren: 2X SM (sprint) / 4X SF (sprint)
  • Hirugarren: 2- SM (sprint) / 4- SF (sprint) / 2X CF / 2X CM / 2- CM

Igandea

  • Garaile: 8+ SM “A” / 8+ CM
  • Bigarren: 8+ SM 2B” / 2X BET F / 4+ CF
  • Hirugarren: 2X IF / 4X+ IM

Laburdurak

2-: Lemazain gabeko bikoa

2x: Skull bikoitza

4x: Skull laukoa

4-: Lemazain gabeko laukoa

8+: Lemazaindun zortzikoa

CM: Kadete gizonezkoa

CF: Kadete emakumezkoa

BET F: Beterano kategoria emakumezkoa

SM: Senior gizonezkoa

SF: Senior emakumezkoa

IM: Infantil gizonezkoa

IF: Infantil emakumezkoa

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.