Geldialdiaren ondoren, azken aurreko xake jardunaldiak jokatu dituzte
Gipuzkoako ligako 10. xake jardunaldian garaipen bat eta bi porrot lortu zituzten Marlaxkako taldeek. Julen Goia gazte lesakarrak, berriz, Noaingo Eskolarteko txapelketan bigarren postua eskuratu zuen.
Aste Santuan eta Pazko astean geldialdia izan ondoren, asteburu honetan Gipuzkoako ligetako 10. xake jardunaldia jokatu zen. Garaipen bat eta bi porrot lortu zituzten.
Marlaxka B taldeak iraupen play offaren hirugarren txanda jokatu zuen. Santikutz A taldea izan zuten aurkari eta 1,5-2,5 irabazi zuten. Garaipen horrek abantaila emango die datorren astean Arrasate Arlutz B taldearen aurka jokatuko duten lehiari begira. Marlaxka C taldeak berriz KBI Zumaiako A taldearen aurka jokatu zuen eta 4-0 galdu bazuten ere “xakeaz gozatzeko, gehiago ikasteko eta sendoago izateko” baliatu dute jardunaldia, beti ere “ondo pasatuz”. Azkenik, Marlaxka D taldeak Taula B taldearen aurka jokatu zuen. Kasu honetan galdu egin zuen ere, baina “pausoz pauso” ikasten eta hobetzen ari direla adierazi dute taldeko kideek.
Julen Goia gazte lesakarrak, berriz, emaitza bikaina lortu zuen. Goia astearteetan etortzen da Marlaxka Xake eskolara. Asteburu honetan Nafarroako Eskola Zirkuituan parte hartu zuen, Noaingo Eskolarteko txapelketan hain zuzen eta bigarren postua eskuratu zuen.
Julen Goia berdez haren saria eskuetan duelarik.
