Giza irudiarekin marrazketa tailerra egingo dute
Udal marrazketa eta pintura akademian izango da hilaren 20an. Izen-ematea apirilaren 8tik 17ra egin beharko da
Figura tailerra egingo dute udal marrazketa eta pintura akademian datorren hilaren 20an, 10:00etatik 13:00etara. Ikastaroa praktikoa da eta modelo baten presentziarekin, gorputza irudikatzeko gakoak emango dituzte. Izen-ematea apirilaren 8tik 17ra egin beharko da, Irungo Udalaren egoitza elektronikoan sartuta.
Ikastaroan ondorego ikasgaiak landuko dituztela azaldu dute: gorputz-egituraren analisia, erritmoak, norabide-lerroak, ingeradak eta bolumenak; mugimendu-ariketak egingo dituzte, eta keinuen marrazketari eta irudikapen-prozesu esperimentalei buruz ikasiko dute. Ikastaroaren prezioa 16,20 eurokoa da, eta parte hartzeko ez da beharrezkoa aldez aurreko ezagutzarik izatea.
Tailerra egiteko materiala eramatea eskatu dute, hala nola, papera, arkatza, ikasleek erabili ohi duten materialaz gain (olioa,akuarela, pastela…).
