Apirilean jarduera programa oparoa eskainiko du GazteARTEanek
Gazteria sailetik aipamen berezia egin nahi izan diote autoirudiaren, nerabeen eta sare sozialen arteko harremana aztertuko dituen tailerrari.
Irungo Udaleko Gazteria departamentuak Artiako eta Martindozeneako gaztelekuen eta GazteARTEan Konekta zerbitzuen bidez 12 urtetik 18 urtera bitarteko haur eta gazteentzako jarduera programa anitza prestatu du. Besteak beste, bideojokoak sortzeko tailerrak, lorezaintza tailerrak, joskintza tailerrak, sukaldaritza tailerrak eskainiko dituzte.
Gazteria sailetik aipamen berezia egin nahi izan diote autoirudiaren, nerabeen eta sare sozialen arteko harremana aztertuko dituen tailerrari. Heziketa artistikoaren bidez eta ikuspuntu kritiko batetik eskainiko dituzten hiru tailer egingo dira. Aldi berean, mikrofilm laburren sariketa bate, selfie tailerra eta fanzine baten sorrera egingo dute ere.
Eskaintza horiez gain, ohi bezala, Martindozenea gaztelekuko bigarren solairuan 15 eta 18 urte bitarteko gazteentzako gune bat ezarriko dute. Gazteentzako ere egitarau berezia prestatu dute.
Ikus Martindozeneako programazioa. Ikus Artiako programazioa. Ikus 15 eta 18 urte bitarteko gazteen programazioa.
Ordutegiak
Artia eta Martindozenea gaztelekuak asteartetik larunbatera daude zabalik. Asteartetik ostegunera 17:00etatik 20:00ak arte eta ostiral zein larunbateran 17:00etatik 21:00ak arte. 15 eta 18 urte bitartekoen txikoa berriz ostiral eta larunbatetan dago zabalik 17:00etatik 21:00etara.