Parte hartze handia Eskolarteko Xake Txapelketa zonalean

Asteazkenean Benjamin, Kimu eta Infantil Mailetako Eskolarteko Xake Txapelketa zonalak jokatu ziren Kasino Zaharrean, Bidasoko hamazazpi neska-mutilen parte hartzearekin.

Asteazken arratsaldean Benjamin, Kimu eta Infantil Mailetako Eskolarteko Xake Txapelketa zonalak jokatu ziren Kasino Zaharrean, Bidasoko hamazazpi neska-mutilen parte hartzearekin. Txapelketa horrek, gainera, Gipuzkoako Eskolarteko Xake Txapelketara sailkatzeko balio zuen.

Benjaminetan Alain Ugalde nagusitu zen; kimuetan, Ametz Azkue; eta infantiletan, Gorka Tafall. Marlaxka Xake Klubak eskerrak eman dizkie xakelari guztiei parte hartzeagatik.

Marlaxkak jakinarazi du Gipuzkoako Xake Federazioak datorren asteetan argitaratuko duela Gipuzkoa osoan sailkatu diren neska-mutilen zerrenda. Informazio hori dutenean, Bidasoko eskualdean sailkatu diren neska-mutilen izen-abizenak helaraziko ditu Marlaxkak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.