Familia zaurgarrientzako diru laguntzaren berri eman du Erletxeak
Txingudi Zerbitzuak-ek ematen ditu laguntza hauek eta kuota arruntetan %50-eko beherapena eragin dezake. Hilak 28a da eskatzeko azken eguna.
![](https://bidasoa.hitza.eus/site/files/2024/02/wallet-908569_1280-1200x800.jpg)
Diru-sarrerak Bermatzeko Errenta eta Bizitzeko Gutxieneko Diru-sarrera jasotzen dutenek familia zaurgarrientzako laguntza eska dezaketela oroitu du Erletxeak. Txingudi Zerbitzuak-ek ematen duen laguntza da eta kuota arruntaren %50-eko beherapena ekar dezake. Laguntza hori eskatzeko azken eguna hilaren 28a da.
Erletxek salatu du laguntza hau ezin dela urtean behin kudeatu urteko lehen bi hilabeteren epemuga itxiarekin. Aurtengoan, urtarrilaren 2tik otsailaren 28a bitartekoa izan da epea. “Zaurgarritasun egoerak aldakorrak dira eta martxotik aurrera DBE edota BGD kobratzen dutenek ezingo dute kuota hori jaso”. Egoera hori “injustua” eta “argudia ezina” dela diote.
Erletxeak eskatu du urte osora zabaltzea laguntza eskatzeko aukera, eta diru-laguntza, eskatzen den hilabetetik jasotzen hastea. Halaber, hedabideetan laguntza hauen berri ematea galdegin dute “laguntza jaso dezaketen pertsona potentzial guztiek jaso dezaten eta horien berri izan dezaten”.