Inauterietako sariak banatu dituzte
Inauterietako desfilean parte hartu zuten norbanako, lagunarte eta dantza eskolek saria jasotzeaz gain, Erakusleiho onenaren saria eta Kartel onenaren sariak banatu zituzten ere.
Atzo arratsaldean Udaletxeko Areto Nagusian inauterietako sari ezberdinen banaketa egin zuten. Sariak banatzen izan ziren Igor Enparan Alkatea, Ortzi Alonso kultura zinegotzia eta Goio Uriarte, kultur teknikaria.
Alde batetik, igande goizean inauterietako desfilean parte hartu zutenen arteko sari banaketa egin zen. Karroza onenaren saria Girotzen Kultur elkarteak irabazi zuen, bigarren saria Hor Konpon taldearentzat izan zen eta hirugarren saria Carlos Zapirain dantza eskolarentzat.
D taldeko konpartsa lehiaketan lehen saria Amute Kosta Auzolagunak taldeak jaso zuen. Girotzen Kultur elkartea izan zen bigarrena eta Hor Konpon taldea hirugarrena. Laugarren izan zen Pilar Peña dantza eskola, bosgarren Kuki taldea eta seigarren Carlos Zapirain dantza eskola. Hondarribikoak ez ziren taldeen artean Gazte Landetxa Gazte Elkartea gailendu zen eta bigarren postuan Santiagoko Deabruak taldea izan zen. C taldeko konpartsa lehiaketan lehen saria Eldukitire bañistak lagunarteak jaso zuen eta bigarren saria Kampistak lagunarteak. B kontsa lehiaketan ere bi sari banatu zituzten. Lehen saria Asier Burguetek jaso zuen eta bigarren saria Jose Ramon Lorenzok. A konpartsen lehiaketan Maximo Martinez-ek eskuratu zuen lehen saria, bigarrena, berriz, Guillermo Sodupek jaso zuen.
Udaletxean Erakusleiho lehiaketako sariak banatu zituzten ere. Erakusleiho onenaren saria Itxolak jaso zuen. Higer Optikak bigarren erakusleio onenaren saria jaso zuen eta hirugarren izan zen Andrea Opariak.
Inauterietako kartel lehiaketa Judas Arrietak irabazi zuen eta udaletxean jaso zuen, gainontzekoekin batera, haren saria.
