Izen ematea zabalik Atletismo Aste Santuan-erako
4 eta 14 urte bitarteko haurrek goiza kirola aire librean egiteko aukera da Atletismo Aste Santuan. Apirilaren 1etik 5era izango da eta gaurtik ahal da izena eman.
Bidasoa Atletiko Taldeak jakinarazi du gaurtik aurrera eman daitekeela izena Atletismo Aste Santuan 2024-en. Apirilaren 1etik 5era izango da eta 4 eta 14 urte bitarteko haurrek goiza kirola aire librean egiteko aukera da. Jarduera guztiak euskaraz eta gaztelaniaz izango dira eta atletismoa, jolasak eta ginkanak egingo dituzte.
Bi ordutegi aukera daude; batetik, 08:30etik 13:30era, eta 08:30etik 14:30era. Azken honetan hamaiketako extra emango dutela azaldu dute. Izan ere, bi ordutegien kasuan hamaiketakoa emango diete egunaren erdialdean.
Bi anai arreba edota gehiago direnen kasuan %10eko beherapena egingo diete, baita taldearen bazkide edota atletismo eskolako ikasleei ere. Lehenengo astearen prezioa 90 eurokoa da, eta bigarren astearena 150 eurokoa. Informazio gehiago jasotzeko orrialde hau jarri dute eskura.
