Hok Ttuk Amalau kolektiboak disko berria kaleratuko du
Disko berriko 'Marranetis' abestia entzungai dago Youtube plataforman. Lehendabisico EP-a diskaren aurrerapen gisa kaleratu dute.
Hok Ttuk Amalau taldea. Hok Ttuk Amalau kolektiboak ‘Marranetis’ abestia kaleratu zuen asteazkenean, hilaren 7an, datorren astean kaleratuko duten diskaren aurrerapen gisa. ‘Marranetis’ abestia Youtube plataforman dago ikusgai. Aurrerapena kaleratu eta astebetera, hilaren 14an, izango da eskuragarri Lehendabisico EP-a izenburua izango duen diska.
Aurkezpen ofiziala aurki egingo dute ere. Hilaren 17an izango da Psilocybenea aretoan 22:00etan. Rtz kolektiboaren (Baiona) eta Txekoslobako (Bizkaia) taldekideekin arituko dira oholtza gainean.
Hok Ttuk Amalau kolektiboa 2022 urteko udan sortu zen. Acto Messie, Txavvö, Ttirritt eta Miki Maixu musikariek osatzen dute eta bakoitzak bere proiektu propioa duen arren, sormena modu berri batean lantzeko elkartu direla kontatu du Acto Messiek: “Indarrak batu eta gure sormena bide berrietara eramateko era bat bezala ulertzen dugu”.
