Ilustrazio tailerra, udal marrazketa akademian
Nerea Bermejo 'Bermi' ilustratzaileak eskainiko du ikastaroa hilaren 24an. Eguneroko inguruko "magia esploratzen" lagunduko du artista irundarrak.
Ilustrazio tailer bat eskainiko dute udal marrazketa eta pintura akademian hilaren 24an, 10:00etatik 14:00etara. Ikastaroak Gure ingurua ilustratzen izena du, kostua 21,60 eurokoa da eta Nerea Bermejo Olaizola Bermi ilustratzaile irundarrak eskainiko du. Bere espezialitatea eremu urbanoko lekuak eta ideiak irudikatzea da.
Izena emateko epea otsailaren 21era artekoa da, eta Irungo Udalaren egoitza elektronikoaren bidez egin behar da. Hamabost plaza daude, eta gutxienez bost pertsona behar dira taldea osatzeko.
Ikasgai magistralaren helburua da, Bermejoren hitzetan, “gure eguneroko inguruetan dagoen magia esploratzea, ilustrazioaren artearen bidez”. Ilustratzaileak aukera gisa ikusten du tailerra inguruko esentzia irudikatzen ikasteko, norberak bere adierazpide artistiko propioak baliatuz. Teknika, librea eta kolorez betea izango dela aurreratu du.
Tailerrean erabiliko duten materiala, DIN A5 papera eta gramaje lodiko DIN A3 papera izango dira. Pinturak, aldiz, norberak nahi dituenak erabil ditzake, teknika librea izango delako.
Tailerrean parte hartzeko, ez da beharrezkoa marrazketa edo pintura ezagutzarik izatea aurretik. Informazio gehiago jasotzeko HAZ bulegora edo Kultura arlora gerturatu behar da. Aldi berean, mezu bat bidal daiteke edota deitu 606 22 04 17 edo 695 75 29 94 telefonoetako batera.
