Meatzari kaleko ur hoditeria aldatzen hasi dira
Zortzi astez iraungo dute lanek. 60 urte baino gehiagoko hodiak berriengatik ordezkatuko dituzte. 115.000 euroko aurrekontua dute obrek.
Txingudiko Zerbitzuak-ek (Txinzer) iragarri du Irungo Belaskoenea auzoko Meatzari kaleko ur hoditeria aldatzen hasi direla, premiaz. Izan ere, bertako hodiak zementu-zuntzekoak dira, eta zaharkituta daudenez (60 urte baino gehiago dituzte), galdaketa modularrekoak jarriko dituzte horien ordez. Lanek zortzi asteko egikaritze epea dute, eta 115.000 euroko inbertsioa egingo dute.
Meatzari kaleko hoditeria garrantzi handikoa da, Txinzerrek esan duenez. Izan ere, Iparragirre Goikoa biltegiko arteria nagusienetakoa da. Hala, hoditeria berria Lavanderias kaleak —Soroxartako zubiaren ondoan— eta Auzolan kalearekin bat egin arte luzatuko da. Gainera, zazpi etxetako hartuneak ere berrituko dira, “horrek nabarmen lagunduko du inguruan ura banatzeko sistema eraginkorra izaten”.
Obrek ahalik eta eragin txikiena izan dezaten bypass antzekoa jarriko dute behin-behineko eroanbide batekin. Alta, Txinzerrek abisatu du ur mozketa puntualak izan daitezkeela lanak bitartean, etor horiek denboraz iragarriko dituela herritarrek eta saltokiek aurreikuspen egokiak egin ditzaten. Inguruko oinezkoentzako bideak nahiz garajeetarako sarbideak bermatuko dira, etenaldi puntualak egon daitezkeen arren. Hala, Txinzerrek barkamenak eskatu dizkie lanen eragina jasan dezaketenei, eta afektatuen “lankidetza eta ulermena” eskatu ditu.
