Tosta mugikorreko Euskadikoan, zortzi urre Santiagotarrak taldearentzat
Gipuzkoakoan egin bezala, distantzia luzeko tosta mugikorreko Euskadiko Txapelketan domina asko irabazi ditu Irungo klubak.
Santiagotarrak-en beteranoen zortzikoa. Argazkia: JJ Portos. Larunbatean jokatu zen Bidasoa ibaian, Hondarribia Arraun Elkarteak antolatuta, distantzia luzeko tosta mugikorreko Euskadiko Txapelketa. Asko izan ziren Santiagotarrak Kirol Elkartea ordezkatu zuten ontzi eta arraunlariak, eta horien guztiek egindako lanaren emaitza, bikaina: zortzi urrezko domina, zilarrezko hiru, eta brontzezko lau. Honakoa da klubaren dominen banaketa:
- Urrezkoak: Gizonen beteranoen zortzikoan (lemazainarekin), gizonen beteranoen laukoan, mutilen haurren laukoan, mutilen haurren bikoan, emakumeen absolutuen laukoan, emakumeen absolutuen bikoan, nesken gazteen bikoan, emakumeen absolutuen batekoan.
- Zilarrezkoak: Gizonen absolutuen laukoan, emakumeen absolutuen bikoan, mutilen gazteen zortzikoan (lemazainarekin).
- Brontzezkoak: Nesken kadeteen batekoan, emakumeen beteranoen bikoan, mutilen haurren bikoan, nesken gazteen batekoan.
Santiagotarrak-ek horiek baino askoz ontzi gehiago eraman zituen Bidasoko lehiara. Horien eta beste guztien emaitzak jakiteko klik egin hemen (PDF artxiboa jaitsiko da).
Jardunaldiko argazkiak ikusi nahi izanez gero, joan Irungo kirol klubaren sare sozialetara.
