Errepublika eta Gerra Zibilari buruzko zikloak, Podemosen eskutik
Hilaren 18tik martxoa bitarte egingo dituzte jardunaldiak. Lehena, kontzentrazio esparruei buruzkoa izango da, eta hurrena, emakumeak eta
Datorren hilaren 18an Errepublika eta 36ko Gerrari buruzko zikloa hasiko du Podemos Irunek Palmera Montero gunean. Urteko lehen hiruhilekoak zehar egingo dituzte eta lehenengo hitzaldia kontzentrazio esparruei buruzkoa izango da, hilaren 18an bertan.
Kontzentrazio esparruak Nicolas Gerendiain Irungo Errepublikar Elkarteak izango du hizpide, haiek egin baitute gaiaren gaineko txostena Enrique Martinez Irungo Podemoseko bozeramaileak gogoratu duenez.
Bigarren Errepublika eta ondorengo 36ko Gerra protagonista izango dituen ziklo honen bigarren ekitaldia otsailean izango da, El Horizonte Republicano izeneko jardunaldiarekin. Rafa Mayoral Podemoseko diputatu ohia izango da bertan. Martxoan, berriz, emakumeak eta Errepublika izango dute hizketagai.
Martxoko gainerako jarduerak data gerturatu ahala iragarriko dutela aurreratu dute, jardueren ordutegiak eta formatuak zehazten direnean. Azkenik, Podemos Irunek Nicolas Gerendiain Irungo Errepublikarren Elkartearen laguntza eskertu du, “haiek gabe ezinezkoa izango baitzen ziklo hau antolatzea”.
