Neguko solstizioa San Tomas azokarekin ospatuko dute bihar Irunen
Sei txosna egongo dira eta arratsaldeko emanaldiak 17:30etik aurrera izango dira.
San Tomas eguna da biharkoa eta Urdanibia plazan ospatuko dute irundarrek. Aurten sei txosna jarriko dituzte zozketa bidez banatu ondoren: Waterpolo Urgara Txingudi, Behobia kirol elkartea; Club Ciclista Irunes, Txingudi Eskubaloi Kluba Egaindar; Club de Judo Mayumi; eta San Martzial kirol elkartea.
Egitaraua
- 09:30ean txosnen irekiera eta nekazariek produktuen azokaren irekiera.
- 10:30ean ezti dastaketa Gipuzkoako Erlezainen elkartearen eskutik.
- 12:30ean barazki, animali eta ezti lehiaketen sari banaketa.
- Musika emankizunak:
- 17:30ean Txorimaloak Soinu Taldea.
- 18:00ean Adaxka Dantza Taldea.
- 18:30ean Eraiki Dantza Taldea.
- 19:00etan Irungo Udal Musika Eskola.
- 19:30ean Auntxa Trikitixa Taldea.
- 20:00etan Ibarla Meaka Dantza Taldea.
- 20:30ean Meaka Euskal Dantza Taldea eta Auntxa Trikitixa Taldea.
- 21:00etan Meakako Adixkideak.
- 21:30ean Kemen Dantza Taldea.
- 22:00etan Burrunba elektrotxarangaren kontzertua.
