Asteburu honetan jokatuko da 2023ko Espainiako Eskubaloi Kopa. Irungo Artalekun jokatuko dira final aurrekoak (hilaren 16an, larunbatean) eta finala (hilaren 17an). Lehiatuko diren lau taldeak Asobal Ligan joanekoan hobekien sailkatu direnak izango dira.
Larunbateko final aurrekoak 17:00etan eta 19:30ean jokatuko dira. Bidasoa Irun, Bartzelona eta Fraikin Granollers taldeek final aurrekoetan jokatzeko txartela eskuratu dute jada, baina talde bat falta da oraindik. Gaur erabakiko da zein beste taldek jokatuko duen final aurrekoa. BM Logroño La Rioja eta Recoletas Atletico Valladoliden artean dago postua. Sailkapenean puntu baten aldea dute bi taldeek: BM Logroño La Riojak 17 puntu ditu eta Recolectas Atletico Valladolidek 16. Recolectas Atletico Valladolid – Frigorificos Del Morrazorekin neurtuko da gaur 20:30ean, eta BM Logroño La Rioja – Abanca Ademar Leonekin 21:00etan.
