Bertso saio berezia, Irungo EKTn abenduaren 15ean
Pello Mari Otaño bertsolariaren bizitzaren inguruko Ombuaren Itzala filma proiektatuko dute, eta bertso afaria eskainiko ondoren.
Datorren abenduaren 15ean, ostiralean, Txingudiko bertso eskolako tailerrak eta Bidasoko EKTk bertso saio berezia antolatu dute. Izan ere, 19:00etatik aurrera elkartuko dira Irungo EKTn, Ombuaren Itzala Zizurkilgo bertsolari Pello Mari Otañoren bizitzaren inguruko filma ikusteko. Patxi Bisquert da ikus entzunezkoaren zuzendaria, eta egitasmoa auzolanean oinarritu dela adierazi du.
Horretaz gain, arrats-iluntzean Txirrita eta Juan Mari Lopetegi irundarraren bertsoak ezagutu eta kantatzeko aukera egongo da ere. Bertso afaria eskainiko dute 21:00etatik aurrera, aukera bejetariano zein beganoak eskainiko dituztelarik. Afarirako erreserba egiteko 685 72 75 39 telefonora egin behar da dei.
