Zazpi langile berri kontratatuko ditu udalak
Bi lorezain, bi margolari, bi peoi eta elektrikari berri bat kontratatzeko deialdia egin berri dute. Hilaren 15etik aurrera apunta daitezke herritarrak.
![](https://bidasoa.hitza.eus/site/files/2023/01/udaletxea.jpg)
Hondarribiko Udalak, Lanbideren bidez, zazpi langile berri kontratatuko ditu. Udaleko iturrien arabera, “herritarrari ahalik eta zerbitzu egokiena emateko asmotan”, beharrezkoa ikusi dute langile berriak kontratatzea. Hala, honako postuak eskainiko dituzte: bi lorezain, bi margolari, bi peoi eta elektrikari bat.
Interesa dutenek Lanbiden dagokion eskaintza izena eman beharko dute, hilaren 15etik (asteazkena da) aurrera. Informazio gehiago lotura honetan kontsulta daiteke.