Molino errepidea itxita, urte bukaera arte
Katea eta Anakako industriagunea elkartzen dituen errepidea da eta Adifen obrengatik egongo da itxita.
Katea eta Anakako industriagunea batzen dituen Molino errepidea itxita egongo da astelehenetik urte bukaera arte. Adifek jakinarazi du Astigarraga eta Irun artean zabalera estandarra (hirugarren haria) ezartzeko obren esparruan, lanak hasiko dituztela eta Katea auzoko, Elizatxo hiribideko eta Molino errepideko inguruetan eragina izango duela.
Obrak hiru fasetan egingo dira, eta haietako lehena datorren astelehenean, azaroak 6, hasiko da. Horregatik, Molino errepidea itxi egin behar da Elizatxo hiribidetiko sarbidean. Aldiz, bide hori ez da itxiko Letxunborro hiribidetiko sarbidean. Aurreikusten da urte-amaiera arte egongo dela itxita. Hona hemen proiektuko hiru faseak:
1. Fasea: urte-amaiera arte. Zirkulazioa moztuko da Molino errepidean.
2. Fasea: 2024ko otsailaren 1era arte. Zirkulazioa moztuko da Elizatxo hiribidean, Donostiarako irteeran.
3. Fasea: 2024ko otsailaren 10era arte. Zirkulazio guztia moztuko da Elizatxo hiribidean. Zirkulazioa irekiko da Molino errepidean.
