Bidasoko Itaiak asanblada irekia deitu du greba orokorragatik
Azaroaren 30erako erregistratu da greba orokorra eta larunbat honetan bilduko dira Palmera Montero gunean, 11:30ean.
Azaroaren 30erako erregistratu du mugimendu feministak greba orokorra, eta mugimendu sozialistaren parte den Itaia taldeak greba egiteko antolatzeko deia egin du. Hitzordua larunbat honetarako (azaroak 4) finkatu dute Irungo Palmera Montero gunean, 11:30ean. Aldarria argi dute, “kalitatezko bizi eta lan baldintza berdinak guztiontzat”.
Hilabete falta da grebarako eta emakume langileen taldeak orain arteko politika feministak aztertu ditu Gobernu politika feministak aztergai liburuxkan. Orotara lau dira ikertu dituzten legeak: Trans legea; soilik baietz da baietz; osasun sexualerako legea; eta etxeko langileen legea. Horrez gain, eztabaidagai izan diren beste bi gai ere jorratu dituzte eta ondorio politikoak atera.
Liburuxkan ondutakoak lantzeko, gainera, lau hitzaldi antolatu dituzte ere Hego Euskal Herriko hiriburuetan: Bilbon, Iruñean, Gasteizen eta Donostian.
