Sexu esplotazioa hizpide, ostiral honetan, bi dokumentalekin
'Biografia del cadaver de una mujer' eta 'Pornoxplotación' proiektatuko dituzte Mabel Lozano zuzendariaren presentzian. Ekimena Gaurko Andreak eta Txingudiko Elkarte Feministak antolatu dute.
Gaurko Andreak eta Txingudiko Elkarte Feminista taldeek, aldundiaren laguntzarekin, Mabel Lozano zine zuzendariaren bi dokumentalen proiekzioa antolatu dute ostiral honetarako Amaia KZ-ko hitzaldi aretoan, 19:00etan. Biografia del cadaver de una mujer eta Pornoxplotación dira eskainiko dituztenak, Lozano zuzendariaren presentziarekin.
Pasa den astelehena Sexu Esplotazioaren eta Trafikoaren aurkako Nazioarteko Eguna izan zen, eta horren harira erabaki dute asteburu honetan gai horiek lantzea. “Ez badago kontsumitzailerik, ez dago prostituziorik. Prostituitutako emakumeak ez dira objektuak. Emakumeak dira. Zure alaba izan daiteke, zure arreba, ama edo lehengusina izan daiteke. Eta, zergatik ez, zure emaztea ere bai”.
