Kronologia bat: Irun eta Hendaia arteko zubiak eta bi aldeetako herritarrak
2021eko uztailean Etorbidearen zubia itxi zuen Frantziak. Ordutik ere poliziaren 24 orduko kontrolak ezarri zituzten Santiago eta Behobiako zubietan, politika arrazistak indartuz. Horren ondorio nagusia: bederatzi hildako, migrazio bidea segi nahian bide ez seguruak hartzera behartuta.
2022ko azaroaren 1ean Irun eta Hendaia arteko kontrol poliziala beste sei hilabete luzatzeko baimena eman zuen Bruselak, eta herritarrek, haserre, Etorbidearen zubiko hesia kendu zuten. «Hitzetik ekintzetara» pasa zirela adierazi zuten.
2022ko azaroaren 1ean zubiko hesiak kendu zituzten herritarrek.
2023ko uztailaren 3an Frantziako Tourra Irun eta Hendaia artetik pasa zen eta Frantziak Etorbidearen zubia irekitzeko 24 orduko baimena eman zuen. Bien bitartean, Gure Eskuk Bidasoa «batzen duen ibaia» dela aldarrikatzera deitu zituen herritarrak. Dena den, polizia frantsesaren hesiarekin topo egin zuten.
Aurtengo uztailean sinadura bilketa hasi zuen Hendaiako herritar talde batek zubiaren itxiera salatzeko eta irekiera eskatzeko. Guztira, 12.654 sinadura bildu zituzten urrirako eta Hendaiako alkateari eman, badiako beste bi herrietako alkateak ondoan, gero prefetari helarazteko.
Frantziako Tourrerako zubia ireki zuten eta hurrengo egunean itxi.
Sinadurak bildu zituzten badiako hiru alkateek.
Aste honetako irudi bat polizia frantsesa Santiago zubian delarik.
