Oiassoko antzerki tailerrak bueltan dira
Oiasso Museoak hiru antzerki ikastaro abiatuko ditu hil honetan. Horietako bat berria da, eta Clown artean sakonduko du: Romanesklown. Izen-emateak irekita daude.
Oiasso Museoak prest du beste urte batez haur eta helduentzako antzerki tailerren eskaintza. Saioak hil honetan hasiko dira, eta berritasunekin datoz. Orotara, hiru tailer eskainiko dira, denak Oiassoren egoitzan. Izen-emateak irekita daude, eta hiru modutara egin daitezke: Oiasson aurrez aurre, 943 63 93 53 telefonora deituta edo posta elektroniko bidez.
Erromatar museoak eskainiko dituen hiru tailerretatik bat berria da: Romanesklown. Clown artearen hastapen ikastaro bat da, eta diziplina hori ezagutzen hasteko aukera izango dute parte hartzaileek. Diziplina horretan, eguneroko bizitzarako “oso trebetasun eta balio praktikoak” eskaintzen direla azaldu dute antolatzaileek; hala nola, umore sena, dibertitzeko gaitasuna, entzutea, konfiantza edota segurtasuna. Ana Egiazabalek emango ditu saioak, eta hilaren 17tik abenduaren 12ra izango dira, asteartero, 18:30etik 20:00etara. Helduei zuzenduta daude.
Gainontzeko ikastaroak ohikoak dira. Alde batetik, 6 eta 10 urte bitarteko haurrentzako tailerrak ondu ditu Oiassok beste behin. Saio horiek ere Ana Egiazabalek emango ditu, eta beren helburua da umeen irudimena, sormena, berezkotasuna eta garapen afektibo, sozial eta intelektuala lantzea antzerki jokoaren bidez. Clown tailerraren antzera, haurren antzerki saioak hilaren 17tik abenduaren 12ra izango dira, asteartero, 17:15etik 18:15era.
Bestalde, Oiassok helduentzako antzerki klasiko greko-latindarraren tailerrarekin jarraituko du. Patxi Perezek emango ditu saioak, eta xedea da herritarren artean antzerkiaren eta ikuskizun eszenikoen gaineko interesa piztea. Dies Oiassonis jaialdi erromatarrean jarri nahi dute arreta, jaialdiaren osagai nagusietako bat baitira antzerki emanaldiak. Saioak hilaren 19tik abenduaren 14ra izango dira, ostegunero, 19:00etatik 20:30era.
Hona hemen ikastaroen xehetasunak:
- Haurrentzako antzerki tailerra eta jolas dramatikoa:
- Arduraduna: Ana Egiazabal.
- Adina: 6-10 urte.
- Egunak: Asteartero: Urriak 17, 24 eta 31; azaroak 7, 14, 21 eta 28; eta abenduak 5 eta 12.
- Ordua: 17:15-18:15.
- Prezioa: 20 euro.
- Romanesklown tailerra:
- Arduraduna: Ana Egiazabal.
- Adina: Helduak.
- Egunak: Asteartero: Urriak 17, 24 eta 31; azaroak 7, 14, 21 eta 28; eta abenduak 5 eta 12.
- Ordua: 18:30-20:00.
- Prezioa: 40 euro.
- Antzerki tailerra:
- Arduraduna: Patxi Perez.
- Adina: Helduak.
- Egunak: Ostegunero: Urriak 19 eta 26; azaroak 2, 9, 16, 23 eta 30; eta abenduak 7 eta 14.
- Ordua: 19:00-20:30.
- Prezioa: 40 euro.
