Herriko ikasleek plan bat diseinatu eta garatuko dute, 2030 Agendaren barruan
HH, LH, DBH eta Batxilergoko ikasleek aurrerantzean egingo dituzten ekintzekin "adin guztietako ikasleak ahalduntzea, eragile aktiboak izatea eta sarean lan egitea" lortu nahi da.
Hondarribiko lau ikastetxeetako ikasleek plan bat diseinatu eta garatuko dute elkarlanean, Agenda 2030ren barruan. Aurreko urtean egindako diagnostikoan oinarrituko dira lanketa egiteko, eta orain ikasleen artean sareak eraikiko dituzte, “proiektu komuna” egiteko.
HH, LH, DBH eta Batxilergoko ikasleak izango dira programaren protagonista nagusiak. Aurrerantzean egingo dituzten ekintzekin “adin guztietako ikasleak ahalduntzea, eragile aktiboak izatea eta sarean lan egitea” lortu nahi da. Ikasturtearen bukaeran berriz, ekintza eta proiektuak aurkeztuko dizkiete udaleko ordezkariei.
