Amute-Kostako jaien barruko egitaraua zabaltzen jarraitzen du auzo elkarteak
Lehia izango da asteburuan auzoan, futbol zelaian eta sukaldean. Artisau azoka bat ere egingo dutela aurreratu dute.
Aurten ere Amute-Kostako bandera egongo da jokoan igande egurdian Amute-Kostako auzotarrek asteburuko jaien gaineko egitaraua zabaltzen jarraitzen dute. Gaur, larunbat eta iganderako antolatu dutenaren berri eman dute.
Larunbatean, umeentzako futbol txapelketari ekingo diotela aurreratu dute, 18:00etan hasiko dituzte partidak. Izena eman beharko da aldez aurretik, ostiralean (hilak 6), 17:45ean, auzoko futbol zelaian. Igandean berriz, finala jokatuko dute.
Igandean ere izango da zer egin eta zerekin gozatu. Batetik, Bidasoa Artisauen Elkartearen eskutik, artisau azoka txiki bat egingo dute Amute ibaiaren pasealekuan, 10:00etatik 14:00etara. Auzotarrek bigarren eskuko gauzak saltzeko mahai bat ahalko dute jarri. Horretarako, auzo elkartearen lokaletik pasa beharko dira, 9:30etik aurrera. Elkarteak jarriko ditu mahaiak.
Bestetik, auzoko kroketa onena aukeratzeko txapelketa ere egingo dute igandean (Anttoni Plazako kroketen hirugarren edizioa), 11:00etatik 12:00etara. Parte hartzeko lau kroketa eraman beharko dira. 13:00ak inguruan epaimahaiak sariak entregatuko ditu.
Egunotan kaleratuko dute jaien egitarau osoa. Hori jaso bezain laster argitaratuko du HITZAk.
