5.000 kroketa solidario kozinatuko dituzte Klink elkartean
Sukaldari bila ari dira elkartekoak, datorren urriaren 3 eta 4an milaka kroketa kozinatu ditzaten. Caritas elkartea lagunduko dute egitasmo honekin.
Datorren astean, Hitzetik Ekintzetara egitasmoaren barruan, erronka handi bati ekingo diote Hondarribiko Klink elkartean. 5.000 kroketa solidario kozinatuko dituzte, Caritas elkarteak jasoko dituenak. Horiek kozinatzeko sukaldari bila ari dira, hondarribiarrak egitasmo honetan inplikatu nahi baitituzte. Urriaren 3 eta 4an (astearte eta asteazkenean) jarri dituzte kozinatzeko hitzorduak, eta parte hartzeko aldez aurretik izena eman beharko da.
Egitasmo honen helburua “herritarrak Agenda 2030era hurbiltzea eta haien ekarpena egin dezaten aktibatzea” dela diote antolatzaileek, “inplikatzeko modu berriak eskainiz, gertukoak, erakargarriak eta ongi pasatzera bideratuta daudenak”.
Izena emateko eta informazio gehiago jasotzeko, 615 76 88 01 telefono zenbakira hots egin daiteke.
