Atxiki PIlota Eskolak zabalik ditu pilotalekuko ateak
Hilaren 19tik aurrera eman daiteke izena Irungo pilota eskolan. Eskolak urriaren 2an hasiko dituztela iragarri dute.
Atxikiko kideka, aurreko ikasturteko irudian. Pilotaren munduan sartu, edo euren zaletasuna ase nahi dutenen haur eta gaztetxoentzat aukera berria zabaldu du Atxiki Pilota Eskolak. Izan ere, hasi berri den ikasturterako ere eskaintza prestatu du Irungo pilota eskolak. Izen emateak hilaren 19an zabalduko ditu. Hiru mailatarako eskolak planteatu dituzte.
19tik aurrerako egunetan mantenduko dute irekita pilotalekuko atea hala nahi dutenentzat. Hala ere, iragarri dute urriaren 2an (astelehena) direla hastekoak pilota eskolekin, Uranzu pilotalekuan. Honakoak dira prestatu dituzte kategoriak, eta horien entrenamendu ordutegiak (urriaren 2tik aurrera):
- 16:00-17:00: Infantilak (12-14 urte; DBH1 eta 2).
- 17:00-18:00: Benjaminak (8-10 urte; LH3 eta 4).
- 18:00-19:00: Alebinak (10-12 urte; LH5 eta 6).
- Oharra: entrenamenduak astelehen eta ostegunetan egingo dituzte, goiko ordutegiak jarraituz. Astelehenetako saioak Uranzuko pilotaleku handian izango dira, eta ostegunetakoak txikian.
Izena emateko eta proiektua ezagutzeko bi bide jarri dituzte interesdunen eskura: batetik, Atxikiren webgunea bisitatzeko aukera plazaratu dute, eta bestetik, posta elektronikoz haiekin harremana egiteko erraztasunak eman dituzte.
Irungo Udalaren eta Ramuntxo Trinkete Klubaren laguntza duten Atxikikoek.
