Hamabost urte ospatuko ditu bihar Gaurko Andreak elkarteak
Bihar ospatuko dute Gaurko Andreaken urteurrena. Bertan bildutako dirua indarkeria matxista jasaten ari diren emakumeei bideratuko zaie.
Hamabost urte bete ditu aurten Gaurko Andreak elkarteak, eta urteurrena ospatzeko asmoz, bihar, hilaren 16an, jardunaldi solidarioa
antolatu dute Kale Nagusiko 11. zenbakian.
Antolatutako egitarauak dirua bilduko du indarkeria matxistaren biktima diren emakumeek eta horien haurrek aholkularitza juridiko edota psikologikoa jaso ahal izateko. Horretarako, postu solidario bat antolatu dute, bertan artisauek egindako bitxiak eta bigarren eskuko arropak erosteko. Baita, Irungo saltokien sari interesgarriak dituzten zozketa txartelak erosteko ere.
Elkarteak azaldu du haien helburu nagusia emakumeen jakintzak balioan jarri eta lehen lerrora eramatea dela. Haien helburuak betetzeko asmoz, eta hamabosgarren urteurrena ospatzeko ondorengo egitaraua antolatu dute:
- 11:00. Mindfulness Amaia Urietarekin
- 12:30. Bio-dantza Maribi Franco Dantzariarekin
- 17:30. Yoga solidarioa Estudio Sol de Loto-rekin
- 18:30. Musika saioa eta zozketa
Ekintza guztietan parte hartzeko 4 euro ordaindu beharko dira, ondoren, diru hori bildu eta indarkeria matxista jasaten ari diren emakumeei bideratzeko.
