Egun handienaren ondoren, egun handi gehiago
Atzokoaren ajeak ahazteko, zer hobe eta gaurtik astelehenera arte dauden festetako ekitaldietan parte hartzea baino.
Kemen Dantza Taldeak gaurko 18:00etan hasiko du ikuskizuna. Guadalupeko Amaren Eguna izan zen atzokoa. Hondarribiko festetako egunik handiena. Jaiek, baina, etzira arteko (astelehena) egitaraua dute, eta ajeak albo batera utzi, eta askotariko jarduera eta ekitaldietan euren txokoa bilatzeko aukera dute hondarribiarrek eta bisitariek.
Gaurkoa (larunbata) nolabait esan daiteke trantsizio eguna dela, askotariko ekintzak baitaude. Deigarrienak, beharbada, hiru: Kemen Dantza Taldearen saioa, Puro Relajoren kontzertua, eta Bentako musika festa (behean daude egitarauaren xehetasunak).
Biharkoa (igandea) Arrantzaleen Eguna da, besteak beste kuadrillen arteko jolasak eta bazkaria izango direlarik; erne, Hondarribiko gizonezkoen traineruak 15. Kontxa herrira ekar dezakeela.
Etzi, berriz, Baserritarren Eguna. Azoka, ganadua, Sorotan Bele gogoan ikuskizuna… Asko jaien azken egunean ere bai.
Hondarribiko festak, larunbateko, igandeko eta asteleheneko egitaraua
Gaur, larunbata
- 11:00-13:30 Harresietan, Zezen plazaren aurrean, HAURRENTZAKO PARKE ERRALDOIA.
- 11:00-13:30 Harresian (Erreginaren Baluartearen parean), Santiagoko Deabruak-ek antolatuta, “KABLERIK GABE ETA PILARIK GABE” jarduera eta shetland eta poney gainean ibilaldiak (Club Hípico Jaizubia-ren eskutik).
- 12:00 Txiki CHEF tailerrak (5 urtetik 12ra), Butron pasealekuan.
- 12:30 SOKAMUTURRA Kale Nagusian. GOIZUT dultzaineroen emanaldia.
- 16:30 Gipuzkoa Plazan PUZZLEAK BIKOTEKA.
- 17:00 Zezen Plazatik abiatu eta Alde Zaharretik eta Portutik igarota ERRALDOI ETA BURUHANDIAK hiriko kaleetan barrena ibiliko dira.
- 17:00-20:00 Harresietan, HAURRENTZAKO PARKE ERRALDOIA. Eguraldi txarra eginez gero, Jostaldi pilotalekura eramango litzateke.
- 18:00 KEMEN DANTZA TALDEA: Ezpata-dantza. Gernikako Arbolan hasi, Kale Nagusia eta Arma Plazan amaituko den ibilbidea.
- 21:00 ZEZENSUZKO SOKAMUTURRA San Pedro kalean. Udalak ez du bere gain hartzen parte-hartzaileek jasan ditzaketen kalteen erantzukizuna.
- 21:00-00:00 PUNTU MOREAK, San Pedro kalean.
- 22:00 Bentan, HOFE X 4:40 eta BEN YART taldeen emanaldia.
- 22:30 Arma Plazan, PURO RELAJO taldearen emanaldia.
- 00:00 Itsas Etxea Auditoriumean (sarrera), ARTATZE PUNTU MOREA.
Bihar, igandea
- 9:00 GOIZUT Dultzaineroen DIANA.
- 10:00 MEZA NAGUSIA Jasokunde eta Sagarrondoko Ama Birjinaren Elizan, 1638ko Hiri-setio oroigarrian hildakoen alde, Udalbatza ere bertan dela. Aldi berean Hiriko Bandera agurtuko da, eta elizkizunak dirauen bitartean ohiko deskargak egingo dira. Meza bukaeran Parrokiako Abesbatzak Perosiren LIBERAME abestuko du.
- 10:00 Bentan, KUADRILLEN ARTEKO JOLASAK Bidasoaldeko EKT taldeak antolatuta.
- 11:00-13:30 Harresietan, Zezen plazaren aurrean, HAURRENTZAKO PARKE ERRALDOIA. Eguraldi txarra eginez gero, Jostaldi pilotalekura eramango litzateke.
- 12:00 Zezen Plazatik abiatu eta Alde Zaharretik eta Portutik igarota ERRALDOI ETA BURUHANDIAK hiriko kaleetan barrena ibiliko dira.
- 12:30 SOKAMUTURRA San Pedro kalean, ABIYUAN TXARANGAk girotuta. 16 urtez beherakoentzat sokamuturrean parte-hartzea erabat debekatuta dago.
- 14:30 ADINEKOEI OMENEZKO BAZKARIA Ardora jatetxean, BASAJAUN taldeak girotuta.
- 14:30 HERRI BAZKARIA GAZTEENTZAT Bentan.
- 17:00-20:00 Harresietan, HAURRENTZAKO PARKE ERRALDOIA. Eguraldi txarra eginez gero, Jostaldi pilotalekura eramango litzateke.
- 17:30 Bentatik abiatuta de ZO-ZONGÓren RocKaleko musikarien kalejira.
- 17:30 URBAN GAZTE: Zero Km.ko artisten kontzertua Kasino Zaharrean. (+16).
- 18:00 Arma Plazan, MEAKAKO ADIXKIDEAK DANTZA TALDEAren emanaldia: euskal dantzak eta betiko dantzak eta Piamontekoak, Il donseur del Pilon taldearekin.
- 18:30 URBAN GAZTE: LA BLACKIE + LA BASUren kontzertua, Kasino Zaharrean. (+16).
- 19:30 Martxoak 8 Plazatik abiatuta, ZKER BAND ELEKTROTXARANGAren kalejira hirian zehar.
- 20:00-00:00 URBAN GAZTE: DJ JOSU RODRIGUEZ + DJ AITANA GRANDES, Kasino Zaharrean. (+16).
- 21:00-00:00 PUNTU MOREAK, San Pedro kalean.
- 22:30 Arma Plazan, PRIMITAL BROTHERSen emanaldia, Primital prime ikuskizunarekin.
- 23:00 Bentan BULEGO musika taldearen emanaldia.
- 00:00 Itsas Etxea Auditoriumean (sarrera), ARTATZE PUNTU MOREA.
Etzi, astelehena
- 9:30 GOIZUT Dultzaineroen DIANA.
- 9:30 BASERRITARREN EGUNA. Azienda, fruta eta barazki lehiaketa Zumardian.
- 10:30 Jaietako KASINO ZAHARRA 1. Toka Txapelketa Kasino Zaharreko lorategietan. “Kasino Zaharra” Pertsonen Elkarte Erretiratuak eta Pentsiodunen Elkarteak antolatuta.
- 12:00 Zumardian, EGAÑA eta PEÑAGARIKANO bertsolarien emanaldia.
- 12:00 Zezen Plazatik abiatu eta Alde Zaharretik igarota Zumardia arte ERRALDOI ETA BURUHANDIAK hiriko kaleetan barrena ibiliko dira.
- 17:00 ANIMALIEN ERAKUSKETA Zumardian.
- 17:30 “AURKITU GABEKO ALTXORRA” – Zirika Zirkusen eskutik Arma Plazan.
- 18:00 PROFESIONAL MAILAKO PILOTA PARTIDU JAIALDIA Jostaldi Pilotalekuan. Egiguren V – Gaskue // Salaberria – Bikuña. Jarraian: Altuna III – Martija // Elordi – Zabaleta.
- 18:00 KANTU-JIRA, Portua auzoan, Meakako Adixkideak Dantza Taldea eta Kantakaren eskutik.
- 18:00 Zumardian, BASERRITARREN EGUNAren jarraipena.Herri Kirolak eta trikitilariak.
- 18:30 Arma Plazan TXOKOLATADA gaztetxoentzat.
- 18:30 EUSKAL ERROMERIA: DANTZA PLAZAN, Santiago kalean, Meakako Adixkideak Dantza Taldearen eskutik.
- 19:00 Gernikako Arbolan, diskofesta, “XAIBOR” taldearen eskutik.
- 21:00 Benta, Urbil Artola, Gorka Sarriegi, Aitor Yañiz eta Ritxi Salaberriaren emanaldia. “SOROTAN BELE GOGOAN” “Hondarribiko Hiria Musika Bandarekin”.
- 21:00 ZEZENSUZKO SOKAMUTURRA San Pedro kalean. Udalak ez du bere gain hartzen parte-hartzaileek jasan ditzaketen kalteen erantzukizuna.
- 22:30 SU ARTIFIZIALAK PIROTECNIA ZARAGOZANA S.Aren eskutik, Butron pasealekutik ikusteko.
