Aiako Harriko zuhaitzak ezagutzeko irteera
Parke naturaleko zuhaitzen ezaugarriak eta kondairak ezagutzeko aukera izango da abuztuaren 26an egingo duten irteera.
Aiako Harria Lapurriturriko informazio puntuak Zuhaitza, gure laguna jarduera antolatu du Aiako Harriko zuhaitzak ezagutzeko asmoz. Abuztuaren 26an izango da, eta ibilbide bat egitea da proposamena, 11:00etatik aurrera.
Bertako espezieak eta haien ezagugarriak ezagutuko dituzte bertaratuko direnek: zer-nolako informazioa ematen duen enborrak, zer espezie diren sendagarriak, zer kondaira existitzen diren zuhaitzei buruz…
Hori ez ezik, zuhaitzen eta klima aldaketaren arteko harremana aztertuko dute ere. Gainera, etxean zuhaitz bat landatzeko informazio fitxa bat jasoko dute ere parte hartzaileek.
Edonork eman dezake izena, baina, bereziki, 8 eta 12 urte bitarteko haurrak dituzten familientzat da. Inskribatzeko, 010 telefono zenbakira deitu behar da edo www.irun.org orrialdera joan, abuztuaren 23a baino lehen.
