Administrazio Kontseilu berria du Bidasoa Bizirikek
Lehendakari berria izango da Igor Enparan, eta lehendakariorde berria Estitxu Urtizberea. Bestalde, Santanok eta Paezek eutsi egin diote orain arteko karguei.
Administrazio Kontseilu berria eratu du Bidasoa Bizirikek, hala egiten baitute udal hauteskundeak pasa ondoren. Bide horretan, Irun eta Hondarribiko alkateak, Jose Antonio Santano eta Igor Enparan izango dira buruak datozen lau urteetara begira.
Irungo Udalaren ordezkaritza, Miguel Angel Paez, Nuria Alzaga, Urkiri Salaberria, Oihana Briones, Thania Pazos eta Carlota Sanzek osatuko dute. Hondarribiko Udala, berriz, Estitxu Urtizbereak, Gonzalo Carrionek eta Garoa Lekuonak osatuko dute sozietatearen administrazio-organoa.
Astelehenean bildu ziren lehen aldiz Administrazio Kontseiluko ordezkari berriak, eta Miguel Angel Paez lehendakari eta Estitxu Urtizbera lehendakariorde izendatzea onartu dute. Gainera, kide berriak, sozietateak abian jarritako jarduera nagusien bilakaerari buruz aritu dira.
