Bandera horiak segituko du hondartzan
Ostiralean bakteria bat identifikatu zuten hondartzan, eta gaurko analisiek ez dute kontrako emaitzarik eman. Gainera, marmoken bandera ere jarri dute.
Joan den ostiralean, Hondarribiko hondartzan uren analisia egin zuten eta, horietan, bakteria bat identifikatu zuten. Hartara, bandera horia izan da hondartzan, asteburu osoan zehar.
Gaur, baina, beste analisi bat egin dute eta emaitzek ez dute ondorio positiborik eman. Beraz, bandera horiari eutsiko diote emaitza positiboa izan arte. Bainua hartzea ez dago debekaturik, baina derrigorrezkoa da 15 minutukoa izatea eta ondoren dutxatik pasatzea.
Horrez gain, karabela portugesa marmokaren presentzia dago eta horrekin lotutako bandera ere jarri dute hondartzan. Hala jakinarazi du Hondarribiko Gurutze Gorriak. Marmoka gehiago agertuko balira, bandera gorria jarriko dutela aurreratu dute.
