Gaur, goizez eta arratsaldez, topoko langileen lanuzteak
Lanuzteen lehen txanda 07:00etatik eta 09:00ak artekoa da, eta bigarrena 18:00etatik 20:00ak arte.
Euskotrenen gehiengo sindikalak (ELA, Independenteak, ESK eta CGT) lanuzteak deitu ditu gaurko, “langile gehiago” kontrata ditzatela eskatzeko eta “planifikazio eza” salatzeko. Horren harira, goizez eta arratsaldez lanuzteak egingo dituzte topoko langileek: 07:00etatik 09:00etara da lanuzteen lehen txanda, eta 18:00etatik 20:00etara bigarrena. Euskotrenen beste hainbat linea eta zerbitzutan ere egingo dituzte lanuzteak.
Horren harira, Eusko Jaurlaritzak gutxieneko zerbitzuak ezarri ditu. Horien berri izateko joan Euskotrenen webgunera, edo begiratu ordutegiak tokian tokiko geltokietan.
