Bigarren Hondarribian Jazz, abian
Atzo inauguratu zuten ofizialki bigarren edizioa. Bihartik igandera bitarte, jazz musikak herriko plazak hartuko ditu.
Iazko jaialdiko irudi bat. Atzo eman zioten hasiera ofizialki aurtengo Hondarribian Jazz ekitaldiari. Lehen urtean lortutako arrakastak (15.000 lagun inguru erakarri zituen) bultzatuta antolatu dute bigarren hau, udaleko iturrien arabera, “izandako lorpenak gainditu eta nazioarteko jazz ekitaldi garrantzitsuenetako bezala sendotzen ari baita”.
Egitarau zabala prestatu dute aurtengo ediziorako. Jazz kontzertuetatik harago, adin eta gustu guztietako jarduerak izango dira. Erakusketa bat ere antolatu dute jaialdiaren harira, Oliver Sanzen Feedback izeneko erakusketa inauguratu zuten atzo. Honetan musikari garaikideen “erretratu ikusgarriak” bildu dituzte, “ikatz ziriz eginak, hiperrealismoa inguratzen duen prozesu sakon baten emaitza da, behaketa orduen eta marra zorrotzen bidez islatuta”. Erakusketak herritarrak “komunikazio isilaren magian murgilduko” ditu.
Asteazkenean (hilak 12) hasiko dituzte musika emanaldiak. Lotura honetan guztien inguruko informazioa kontsulta daiteke.
Atzo inauguratu zuten erakusketa.
