Jaietako motiboz apaindutako erakusleiho ederrenek saria izango dute
Abuztuaren 25a arte egongo da zabalik Jai Nagusietako Erakusleiho Lehiaketan parte hartzeko deialdia.
Aurten ere, jaien motiboz apaindutako erakusleiho ederrenek saria izango dute. Izen emate epea zabalik dago jada.
Erakusleihoa duten saltoki orok parte hartu ahal izango du. Erakusleihoak abuztuaren 30erako apaindu beharko dira, eta, horiek, jaien amaierara arte jarrita egon beharko dute (irailaren 11 arte).
Epaimahaiak honakoak izango ditu kontuan: diseinua, sormena, irudi komertziala eta produktuen aurkezpena. Irabazleak 450 euro jasoko ditu; bigarrenak, 300 euro; eta hirugarrenak, 200 euro.
Abuztuaren 25a arte egongo da zabalik Jai Nagusietako Erakusleiho Lehiaketan parte hartzeko deialdia. Izen ematea udalaren webgunean, edota BAZ bulegoan egin daiteke.
