Astelehena, ondasun higiezinen zerga borondatez ordaintzeko azken eguna
Helbideratutako ordainagiriak astelehenean zordunduko dira. Zergaren ordainketa helbideratu gabe dutenek, aldiz, lau bideetatik egin dezakete.
Irungo Udalak jakinarazi du hilaren 10ean, astelehena, bukatuko dela 2023ko ondasun higiezinen zerga borondatez ordaintzeko epea.
Udal erakundeak adierazi du helbideratutako ordainagiriak egun horretan bertan zordunduko direla. Zergaren ordainketa helbideratu gabe dutenek, aldiz, lau bideetatik egin dezakete. Hona hemen:
- Udalaren egoitza elektronikoaren bidez Irun Txartela baliatuz.
- Udal webgunean ‘Ordainketak Internet bidez‘ atalaren bidez, etxean jasotako ordainketa gutunaren identifikazio datuak adieraziz.
- Finantza entitateen bidez (leihatilan, kutxazain automatikoetan edo internet bidez) etxean jasotako ordainagiria aurkeztuta. Ordainagiririk ez dutenek Herritarrentzako Arreta Zerbitzura jo edo 010 telefono zenbakira deitu ahal izango dute kopia bat eskatzeko.
- Herritarrentzako Arreta Zerbitzuko autozerbitzu terminalen bidez edozein egunetan, 08:00etatik 22:00etara bitartean.
