Harro eta kritiko kaleratzeko egitaraua
Irungo Harrotasun Kritikoak badu egitaraua biharko, Sexu Askapenaren Nazioarteko Egunerako. Jarduera guztiak Peña kalean egingo dituzte.
Aurreratu bezala, Irungo Harrotasun Kritikoa taldeak Sexu Askapenerako egunerako antolatu duen egitaraua kaleratu du. Sanmartzialek “ukatu” dieten lekua berreskuratzera doaz, eta baita LGTBIQA+ mugimenduak jasaten duen “instrumentalizazio zein kapitalismo arrosa” salatzera ere.
Era berean, dei egin diete komunitatea egin nahi duen orori. “Zatoz gurekin bazterrak nahasi eta lumak harrotasunez astintzera!”. Gainera, gauean “ikusgarri” egongo direla aurreratu dute. Jarduera guztiak, Peña kalean izango dira. Informazio gehiago nahi izatekotan, taldearen Instagrametik jar daiteke harremanetan.
Egitaraua
- 17:00etan: Abaniko aldarrikatzaileen tailerra. Hain irundarra den abanikoa gure egingo dugu kolore, luma eta aldarrikapenez betez. Ekarri zurea etxetik, edota bertan ere eskuratzeko aukera egongo da!
- 18:30ean: Performance-a eta horrekin bukatzean, manifestua.
