Squash topaketa bat antolatu du Lur Alaik larunbaterako
Familiei zuzendutako saio ireki eta doako bat dela azaldu du klubak. Artaleku kiroldegian bilduko dira, 09:00etatik 13:00era. Izen-emateak irekita daude.
Eskola Kirola denboraldiari bukaera emateko eta datorren sasoia prestatzen hasteko, Lur Alai Squash Klubak familiei zuzendutako squash topaketa bat antolatu du larunbat honetarako (hilak 10). Jarduera irekia eta doakoa izango dela azaldu du klub irundarrak, eta Artaleku kiroldegian gauzatuko da, 09:00etatik 13:00era. Beharrezko materiala, hau da, erraketa eta betaurrekoak, klubak utziko dituela azaldu dute.
Larunbateko saiora bertaratzen direnek, squasharekin jolastu, ikasi eta kirola egingo dutela adierazi dute antolatzaileek, bakoitza bere erritmo eta mailari egokitutako jarduera ezberdinekin. Izen-emateak irekita daude jada, eta 687 97 64 96 telefonora dei eginez edota posta elektronikoz eman daiteke izena.
