Flamenkoaren jatorria eta kutxa flamenko tailerra Kera elkartearekin
Ostiral honetan kutxa flamenkoa jotzen ikasten hasteko tailerra eskainiko du Kera elkarteak. Aurretik, berriz, flamenkoaren jatorriaz arituko dira hizketan.
Emakume Ijitoen Kera elkarteak hitzaldi bat eta tailer bat antolatu ditu ostiral honetarako Palmera Montero gunean. Hitzordua 17:00etan hasiko da eta 18:30ean bukatu, eta bertaratzeko sarrera doakoa da.
Lehenik, flamenkoaren jatorriaz hitzaldi bat eskainiko du Palmira Dualek eta, segidan, bere instrumentua den kutxa flamenkoa tailerra eskainiko du.
Bestalde, gaur erresistentzia erromaniaren eguna da eta Kera elkarteak komunitate honen historiari buruzko bideo-pilula bat sortu du. Interesa dutenek lotura honetan topa dezakete.
