IZAIAk "hiriaren alternatiba" den hauteskunde programa aurkeztu du
Hiru multzotan bereizi ditu programako proposamenak alderdi berriak: "Nahia, beharra eta alardea".
Irungo Zerrenda Aurretik Irun Aurrera (IZAIA) alderdia lehen aldiz aurkeztu da udal hauteskunde batzuetara, eta asmoa plataforma gisa eratzea bazuten ere, horretarako baldintzak betetzea zaila izan eta alderdia osatu dute. Zerrendaburua Jose Manuel Campo Requejo da eta beste 24 zerrenda kideak nortzuk diren esteka honetan kontsulta daitezke.
Alderdiaren aurkezpenean irakur daiteke “hiriarentzako alternatiba” direla eta zerrendako guztiek komunean dutela “irundarrak izatea”. Identitatearen partetzat dutela hori diote, “ideologia politikoen gainetik”.
Era berean, beraien ahultasunak zeintzuk diren ere argi azaldu dituzte: “Apaltasunez onartzen dugu udal-politikan dugun esperientziarik eza. Hala ere, sobera prestatutako talde bat aurkezten dugu, gaitasunak, balioak, esperientzia profesionalak, eta, batez ere, Irunekiko ezagutza eta maitasun sakona batzen dituena. Izaia alderdi politikoen alternatiba herritar independente eta kaudimenduna da”.
Alderdiaren “independentziaz” ere aritu dira programan: “Alderdi bakarra gara askatasun osoa daukaguna akordioetara iristeko alderdi politiko guztiekin, usta baldin badugu hori aberasgarria izango dela Irunentzat”.
Hauteskunde programa
Hiru multzo nagusitan bereizi dute programa: “Nahia, beharra eta alardea”. Horien barruan sakondu dituzte haien proposamenak, baina horietatik bada bat nabarmendu nahi izan dutena eta beharra multzoaren barruan kokatu dutena: “Irungo herritarren segurtasunik ezaren arazo handiari aurre egitea premiazkoa da. Lehentasunezkotzat jotzen dugu gutxienez 20 agente kontratatzea Udaltzaingoaren plantilla gomendatua osatzeko”.
Nahia deituriko multzoaren baitan ekonomiarekin “konpromisoa” dutela diote eta Irungo “aberastasuna itzultzea” nahi dutela adierazi. Honako hauek dira multzo honetan ondu dituztenak, hitzez hitz:
- Laguntza finantzarioa edo kanona eskatzea mugako hiria izateagatik eta jasaten dugun gehiegizko trafikoagatik dagozkien erakundeei, hiri hartzailea izateaz gain, eta immigrazio masiboaren joan-etorrian dagoen helmuga izateaz gain.
- Turismoa bultzatzea. Kalitatezko hotelen eraikuntza erraztea Irunera turismoa erakartzeko. Udalaren kanpaina instituzionalak sustatzea Iparraldean, Irungo merkataritza eta ostalaritza sustatzeko eta bezero frantsesak berreskuratzeko. Santiago eta Behobia errespetatu eta zaintzea, bi mugetako merkatari, enpresari eta ostalariekin lankidetzan. Irungo eguneroko giroa eta bizitza soziala berreskuratzea.
- Merkataritza digitalizatzeko banakako aholkulariak. Tokiko merkataritzaren digitalizazioa bultzatzea, sektore digitaleko tokiko enpresekin lankidetzan.
- Mugaz gaindiko topaketa profesionalak sustatzea proposatzen dugu, besteak beste, Ficoba Medicos Abogados, garraio-enpresak eta aduana-agenteak.
- Haur eta gazteei zuzendutako lineako psikologia zerbitzu bat sortzea proposatzen dugu, haien osasun mentala hobetzeko eta laguntza emateko hainbat egoeratan, hala nola, eskola-jazarpenean, familia-gatazketan eta sare sozialen erabilerarekin lotutako beste arazo batzuetan, kolektibo horiek kalteberatasun-egoeran utz baititzakete.
- Gure tradizioak, kultura eta kirol klubak babestea eta sustatzea. Alardealdia, Olentzero, opila, euskal jira, Real Union, Bidasoa, Errugbi Irun, Santiagotarrak, Bidasoa Atletiko Taldea, Bidasoa XXI, Tenis de mesa Lekaenea, etab., Xakea, Jaitzubia klub hipikoa, Irungo Mendizaleak, C.D. San Marcial, C.D. Behobia, C.D. Mariño eta C.D. Landetxa.
Era berean, Zaisaren jabetzako aparkalekuak Britainia Handitik datozen eta astero kolapsatzen diren garraiolarien premiazko beharrizanetarako lagatzea proposatzen dugu: Zaisa, Behobia eta sartzeko errepide guztiak.
Azkenik, alardea deituriko multzoa osatu dute eta proposamen bakarra bildu dute bertan:
