Asteburu honetan parke publiko berri bat inauguratuko dute
Fermin Calbeton, Sarasate eta Beraketa karriken artean sortu duten parke berria asteburu honetan irekiko dute.
Urrian iragarritako parke publiko berria asteburu honetan inauguratuko dutela iragarri du Irungo Udalak. Beraketa karrika, Sarasate kalea eta Fermin Calbeton kaleen artean dago.
Guztira 1.800 metro karratu ditu parkeak eta bi zuhaitz handi dauzka. Arbola horietan oinarrituta egin dute parkearen antolamendua eta, aldi berean, bestelako elementu batzuk diseinuan “integratu” egin dituzte: “Garai batean funtsak bereizten zituzten hormak, lorategiak inguruko kaleetatik ere bereizten zituztenak, moztu eta banku bihurtuko dira, oinezkoentzako ibilbideen eta egonlekuen ondoan”.
Erlazionatutako edukiaLorategi bat egiten ari dira Beraketa eta Saraseta karriken artean
