Maiatzerako zenbait egitasmo antolatu ditu Emekik
Emakume elkarteak tailerrak, hitzaldiak eta kirol jarduerak antolatu ditu datorren hilerako.
Emekik antolatutako Emakumeen V. Pala Txapelketaren lehen jardunaldia. Emeki elkarteak maiatzerako zenbait egitasmo antolatu dituela iragarri du. Tailerrak, hitzaldiak eta kirol jarduerak egingo dituzte datozen asteotan.
Lehenik, elkarteak gogorarazi du Klown, umorea eta hainbat trebetasunak egitasmoarekin jarraitzen dutela. Asteazkenero bilduko dira, 17:00etatik 19:00etara, elkartean bertan.
Feminismoa ulertu eta izendatzeko hitz eta kontzeptuen inguruko tailerra eskainiko dute maiatzaren 2an (asteartea da), elkartean ere.
Maiatzaren 4an, aldiz, Txingudiko emakume kontrabandistak izeneko hitzaldia eskainiko du Rosa Arburua Goienetxek. Hondarribiko Kultur Etxean bilduko dira, 19:00etan.
Azkenik, eta urtero bezala, Emakume Pala Txapelketa ere antolatu dute maiatzerako, zortzigarren edizioa izango da aurtengoa. Soroeta pilotalekuan jokatuko dituzte partidak, maiatzaren 20tik 27ra. Finalak, aldiz, Jostaldi pilotalekuan jokatuko dituzte, ekainaren 3an (11:00etan).
Informazio gehiago eta izen emateak, esteka honetan.
