'Luze edo motz' umorezko antzerkia, hilaren 27an
Mirari Martiarena eta Idoia Torregaraik umorezko antzerki saioa eskainiko dute Kultur Etxean. Sarrera doakoa izango da.
Blagan Euskara Elkarteak antolatuta, Luze edo Motz ikuskizuna eskainiko dute Mirari Martiarena eta Idoia Torregaraik Hondarribian. Datorren ostegunean (hilak 27) izango da emanaldia. 19:00etan hasiko da umorezko antzerki saioa, Kultur Etxeak jasoko du.
Generoa hartuko du umoregai emanaldi honetan bikoteak, eta horretarako, hilekoa, menopausia, ligatzeko teknikak eta sexua izango dituzte hizpide, besteak beste. “Kritika eginez, deseraikiz eta barre eginez bazterrak zirikatzen” ariko dira.
