Presoen birgizarteratzea: gizartearen erronka hitzaldia, hilaren 19an
Hausnarketarako plaza izango dela aurreratu dute, "espetxeetan askatasuna kendutako pertsonen kopurua hazi" egin dela eta. Korapilatuz espazio irekiak eta espetxe pastoraltzak antolatutako hitzaldia da.
Espetxeetako errealitatearen adituek hartuko dute hitza. Korapilatuz espazio irekiak eta espetxe pastoraltzak hitzaldi bat antolatu dute, Presoen birgizarteratzea: gizartearen erronka deiturikoa. Hilaren 19an egingo da, 19:00etan, Palmera Montero aretoan.
Hitzaldia antolatzearen arrazoia”espetxeetan askatasuna kendutako pertsonen kopurua hazi egin direla” dela azaldu dute. Kezka dute ere “gizarteak etorkizunean espetxean egon direnei egingo dieten” harreraren gainean. “Ezin dugu axolagabe gisa jokatu erronka honen aurrean”. Bertaratzeko deia egin diete gizarte gaietan sentsibilitatea dutenei, denen artean hausnartzera.
Bi hizlarirena izango da hitza. Batetik, Andikona Uriarte, Deustuko Unibertsitateko Zuzenbide irakaslea eta Hurkoa Fundazioko zuzendaria entzuteko aukera izango da. Euskal Autonomia Erkidegoko espetxeez arituko da lege ikuspegitik.
Bestetik, Martin Iriberri, Donostiako espetxeko kapilaua eta Alboan GKEko zuzendaria izango da bertan. Espetxe barruko errealitatea islatzea izango da Iriberriren asmoa.
