Ingurune Irekia programak, 25 urte
Haur eta nerabeen integraziorako programa da Ingurune Irekia. Iaz, 1.000 pertsona ingururekin egin zuten lan.
![](https://bidasoa.hitza.eus/site/files/2023/03/ingurune-irekia.jpg)
Irungo Udalaren Ingurune Irekia programak mende laurdena beteko du aurten. Hezkuntza programa da, haurrei eta nerabeei begirakoa, eta haiek komunitatean integratzeko dituzten beharrei erantzuten die. “Pozik gaude lantaldearen lanarekin, egindako ibilbidearekin eta bildutako eskarmentuarekin. Programa inoiz baino indartsuago dago”, adierazi du Gizarte Ongizate ordezkari David Nuñok.
Kabia elkarteak bideratzen du Ingurune Irekia. Kalean eta kirol ekipamenduak dira batez ere haien lanerako esparrua, betiere ikastetxeekin koordinazio lana dagoelarik. Proiektuak egiten dituzte Kabiako kideek, elkarlanean bai gazteekin, ikastetxeetako arduradunekin, edo auzo elkarteetako kideekin. Iaz, adibidez, 311 ikaslek parte hartu zuten programan, 24 taldetan banatuta. Ikasleez harago, osotara, 1.000 bat izan ziren programa era batera edo bestera baliatu zutenak, horietatik 832 adingabeak izan zirelarik.
Programa bideratzen ari diren Kabiako gizarte hezitzaileak hi¡onakoak doira: Alvaro Cano, Elena Aycart, Miren Emezabal, Raul Monferrer, Beñat Urra eta Elene Lopez.