Irun Hiria Kutxa Literatura saridun emakumeen erakusketa, CBAn
1970ean Irun Hiria Saria sortu zenetik hura irabazi duten emakumeak ezagutzeko aukera izango da apirilaren 5era arte.
Irun Hiria Kutxa Literatura Sariak bi urtetik behin banatzen ditu Kutxa Fundazioak eta aurtengo ediziora lanak bidaltzeko epea laster amaituko da.
Bien bitartean, orain arte saria irabazi duten emakume idazleak ezagutzeko eta ikustera emateko Praemium Sariak erakusketa jarri dute CBA liburutegian. Ikusteko aukera apirilaren 5era arte egongo da, astelehenetik ostiralera, 09:00etatik 20:00etara, eta larunbatetan 09:00etatik 13:00etara.
Erakusketak 1971tik 2021era bitartean Irun Hiria Kutxa Literatura Saria irabazi duten emakumeek osatzen dute, eta erakusketarekin “gure hiriaren kulturari eta historiari egin dioten ekarpenaren balioa” nabarmendu nahi dute.
Saria 1970ean banatzen hasi zirenetik 25 emakumek irabazi dute garaikurra. Horien artean batzuk nabarmendu ditu Irungo Udalak, Arantxa Urretabizkaia (1981ean), Concha Fernandez (1998an) eta Maixa Zugasti (2017an).
