Artiako hamabi kalek gizon izena dute eta emakume izenarekin bat ere ez da
Artista, idazle edota ikerlari gizonen izen asko dituen kale izendegia dauka Artiak. Historiako emakumerenik ez dago inguru horretan.
Artia auzoko kaleetatik buelta bat emanez gero oinezkoa ohartuko da kale eta plaza gehienek gizon baten izena dutela.
Gizon idazle, margolari edota ikertzaileen izenak dira denak, eta guztira auzoko kale izendegiaren hamabi izen osatzen dituzte horiek: Juan Thalamas Labandibar; Jose Mari Iparragirre; Cesar Figuerido; Dario de Regoyos; Pintor Berrueta; Jose Maria Franco; (Francisco de) Zurbaran; Antoine D’Abadie; eta Julio Caro Baroja.
Artiako Lagunak talde ekologistak salatu du emakume izenik ez izatea auzoko ezta kaleren batek. “Emakumeen ikusezintasunaren adibide bat da historian eta gure hiri eta herrietako paisaian, hutsunea uzten duena”.
