Pazko asteko atletismo eskola prest du BATek
Apirilaren 10etik 14ra izango da, eta 4 eta 14 urte bitarteko haur eta gazteei zuzenduta daude. Izen-emateak irekita daude jada.
Bidasoa Atletiko Taldeak prest du Pazko asteko atletismo eskola. Apirilaren 10etik 14ra 4 eta 14 urte bitarteko haur eta gazteek hitzordua dute Plaiaundiko atletismo pistan. Atletismo saio horien helburua kirola egitea, adiskidetasuna sustatzea eta lagun berriak egitea direla azaldu dute antolatzaileek.
Izen-emateak irekita daude jada eta plaza mugatuak dituztela jakinarazi du klubak. Izen-emate ordena errespetatuko dela adierazi dute. Inskripzioak bi modutara egin daitezke: BATek ahalbidetutako galdetegia deskargatu eta klubeko bulegoetan entregatuz edo online galdetegia betez.
Atletismo eskoletan parte hartzeko bi ordutegi eskaini ditu BATek: 08:30etik 13:30era eta 08:30etik 14:30era. Bigarren aukera horrek hamaiketako gehigarri bat izango duela iragarri du klubak. Prezioei dagokionez, 08:30etik 13:30era doanak 90 euroko prezioa izango du; eta 08:30etik 14:30era doanak, aldiz, 105 eurokoa.
Kontsultak egiteko hiru bide ahalbidetu ditu BATek: 625 26 13 51 telefonora deitzea, helbide elektronikora idaztea edo 626 50 82 95 telefonora WhatsApp mezu bat bidaltzea. Horrez gain, eskolen inguruko informazio osoa BATeko webgunean aurkituko dute interesdunek.
